Халық 6 ай бойы комада жатқан сарбазға 140 млн теңге жинап берді
Басынан жарақат алып, мүгедек болып қалған сарбаз Ербаян Мұхтардың еміне 140 млн жиналды.
Сарбаздың ата-анасы тәулік бойы кезекшілік ету үшін жеке дәрігерлерді жалдауға мәжбүр. Қиын жағдайға тап болған отбасы қаражат жинау үшін арнайы шот ашқан. Отбасына емдеуді үйлестіру, ауруханаға жатқызу үшін ел мен клиниканы таңдауда көмек қажет.
Әлеуметтік желіде сарбазға қатысты жантүршігерлік видео тараған болатын. Роликте ол әскерге өз еркімен кетіп, артынша ауруханада ауыр хәлде жатқаны көрсетіледі. Сарбаз алты айдан бері комада жатыр. Ербаян Мұхтар әскерге өз еркімен, денсаулығы жақсы жағдайда барған. Әскерге барған соң басынан жарақаттанған. Қазіргі кезде ол өз бетінше тамақтана да, сөйлей де алмайды.
«Қатардағы жауынгер Мұхтардың басынан соққы алуына байланысты Қылмыстық кодекстің 440-бабы 3-бөлігі 4-тармағы бойынша қылмыстық іс қозғалды. Қазіргі таңда қажет сараптамалар тағайындалды. Соталды тергеу әлі де жүріп жатыр. Тергеу барысы ІІМ басшылығының жеке бақылауында», – делінген ведомствоның хабарламасында.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе