Головкин жекпе-жекке жеті күн қалғанда салмақ өлшеу рәсімінен өтті
Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0, 33 КО) 16 қыркүйекте мексикалық Сауль “Канело” Альвареспен өтетін жекпе-жекке бір апта қалғанда WBC мәндеттеген салмақ өлшеу рәсімінен сәтті өтті.
Бұл туралы Vesti.kz хабарлайды.
Бүкіләлемдік бокс кеңесінің (WBC) ережесіне сәйкес, жекпе-жекке бір ай қалғанда және бір апта қалғанда салмақ өлшеу рәсімі өтеді. Орта салмақта максималды көрсеткіш – 168 фунт (76,2 келі), ал Головкиннің салмағы 164,4 фунт (74,6) келі болды.
Айта кетейік, Альварес бұл міндеттелген салмақ өлшеу рәсіміне қатыспайды себебі, ол осы WBC ұйымымен жанжалдасуына байланысты осы нұсқадағы белбеу үшін таласудан бас тартқан болатын.
Айта кетейік, Головкин – “Канело” жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтеді. Бұған дейін спортшының қызы өмірге келгенін хабарлаған болатынбыз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе