WBC, WBA (Super), IBF және IBO тұжырымдары бойынша әлем чемпионы қазақстандық Геннадий Головкин командасымен бірге мексикалық боксшы Сауль “Канело” Альвареске қарсы екінші жекпе-жегіне дайындықты бастады.
Ол бұл туралы Instagram парақшасында жазды, деп хабарлады Tengrinews.kz.
“Жаттығулар басталды. Команда жиналды және жұмыс істеуге дайын”, – деп жазды Головкин Instagram парақшасында командасымен түскен суретінің астына.
Головкин мен Альварес арасындағы екінші кездесу 5 мамыр күні Лас-Вегастағы T-Mobile спорт кешенінде өтеді.
Олардың бірінші кездесуі де Лас-Вегаста өтіп, тең аяқталған еді.