Головкин – Альварес жекпе-жегі АҚШ-та 400-ге жуық кинотеатрда көрсетіледі
Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0, 33 КО) мен мексикалық Сауль “Канело” Альварес (49-1-1, 34 КО) арасында 16 қыркүйекте өтетін жекпе-жек АҚШ-та 400-ге жуық кинотеатрда көрсетіледі.
Бұл туралы Golden Boy Promotions промоутерлік орталығының директоры Оскар Де Ла Хойя ESPN арнасына берген сұхбатында айтты, – деп хабарлайды Vesti.kz.
Кинотеатрдағы көрсетілімдер HBO PPV арнасы арқылы трансляцияланады және жергілікті уақыт бойынша 20:00-де (Астана уақытымен 17 қыркүйекте 09:00-де басталады.
“Канелоның” Головкинге қарсы жекпе-жегі – бұл көптен күткен кездесу. Ол миллиондаған жанкүйерді бірнеше уақыт бойы елеңдетеді. Сіз оны үлкен экраннан тамашалайтын болсаңыз, бұл оданда күшті әсер беретіні сөзсіз”, – деді Де Ла Хойя.
Айта кетейік, Головкин – “Канело” жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтеді. Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық “The Ring” журналының белбеуін бәске тігеді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз