Баяғыда Гитлердің әйелі Ева Браун киген жібектен тігілген ескі ішкиім Ұлыританиядағы аукционда 2900 фунтке (3600 доллардан астам) сатылды.
Панталон-түрсиде EB деген жазу тоқылған, ол өткен ғасырдың 40-шы жылдарындағы ең сәнді ішкиім болған.
Алайда соңғы 70 жылдың ішінде бұл киім бірнеше рет сатылып, түрлі адамдардың қолында болған.
Philip Serrell сауда үйінің бағалаушысы Софи Джонстың айтуынша, Ева Браунның ішкиімі тозыңқырап қалған, бірақ әлі де жарамды күйде.
Сондай-ақ, аукционға Ева Браунның басқа да жеке заттары шығарылған еді.
Сақинасы 1250 фунтке, ішінде қызыл түсті помадасының қалдығы сақталған күміс футляр 360 фунтке сатылды.
Ева Браунның фотосуреттері 100 фунтке сатылды, кей суреттерде ол күйеуі Гитлермен бірге түскен.
Аукцион үйінің хабарлауынша, бұл заттардың барлығын аты-жөнін жасырған Ұлыбританияның бір тұрғыны сатып алды.
Ева Браун Адольф Гитлермен 1929 жылдың қазан айында танысқан, ол кезде Ева 17 жаста, Гитлер 40 жаста болған еді.