Гамбургте G20 саммитінің қорытынды құжаты қабылданды
Гамбургте өтіп жатқан “Үлкен жиырмалық” саммитіне қатысушы ел басшылары әлемдік сауда мен ғаламдық климат мәселелеріне қатысты мәселелерді талқылады.
Саммит қорытындысы бойынша коммюникті қабылдады, деп хабарлайды ҚазАқпарат ТАСС агенттігіне сілтеме жасай отырып.
Бұл ретте қалған 19 елдердің басшылары 2015 жылы мақұлданған Париж келісімін құптайды және оның қайта қаралмауы керек деп есептейді. Ол туралы құжатта айтылған.
Сондай-ақ «Үлкен «жиырмалық» елдерінің басшылары жиында әлемдік қаржы жүйесінің ашықтығын қолдау бойынша барлық міндеттерді орындауға уәделесті.
«Қазіргі кезде күшті, тиімді және өкілдік жаһандық экономикалық және қаржылық институттар аса қажат. Біз әділетті және заманауи салық жүйесімен жұмыс жасауға атсалысатын боламыз», – делінген коммюник мәтінінде.
Айта кетейік, Гамбургтегі саммит жұмысына АҚШ президенті Дональд Трамп, Ресей президенті Владимир Путин, Қытай президенті Си Цзиньпин және өзге әлем лидерлері қатысты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе