Қазақ әйелдері ежелден бері адалдық пен пәктіктің, ар-ұяттың символы тәрізді болған еді, деп жазады qasym.kz.
Әжелеріміз әуретті жерін ашу былай тұрсын, ер адамға шашын да көрсетпеуге тырысатын. Бұл сан ғасырлар бойына ұлт бойында қалыптасқан тәлім-тәрбиенің жемісі. Алайда суретші Николай Хлудовтың картинасында бәрі керісінше суреттеледі. Оның туындылары әлеуметтік желі қолданушыларының ашуын туғызып отыр.
Суреттер 19 ғасырдағы қазақ қоғамын бейнелейді. Нақты айтқанда қазақ әйелдерінің жартылай жалаңаш суреттері салынған.
Желі қолданушылары бұл суреттер қазақ халқының намысына тиіп, масқаралау мақсатында салынған деген пікір білдіруде. Ал өнертанушы Валерия Ибраева болса, даулы картиналарды шындыққа жанасады деп отыр. Оның пайымдауынша, Хлудов көргенін салған. Яғни өздігінен ештеңе ойлап тапаған-мыс.
Сұлтан Жомартұлы
«Қасым-ақпарат»