Астанада өтетін EXPO-2017 көрмесіне байланысты, билік Астана қаласына бұрын сотталғандарды ғана емес, заң алдында істі болып көрмеген кәдімгі қарапайым адамдарды да кіргізбей қоюы мүмкін, деген хабар шықты Tengrinews.kz сайтында.
“Әлемдік тәжірибеде мұндай нәрсе бар. Мысалы, ірі шаралар, Олимпиадалар кезінде бұрын сотталғандар да, бұрын заң бұзбаған жай адамдардың да құқығы шектеледі. Сол себепті, Астанадағы EXPO көрмесі кезінде, Алматыдағы Универсиада кезінде шектеу шаралар қолға алынады”, депті ол.
“Бірақ мұны мен жалпы алғанда адам құқығын шектеу деп есептемеймін. Астананың аса ауыр қылмыс жасаған адамдарды қалаға кіргізбей қою жөніндегі бастамасы – ақылға қонымды нәрсе. Тек мұның азаматтардың конституциялық құқықтарына нұқсан келтірмеуі үшін жұмыстар істеу керек”, – деп қосты Рашид Жакупов.
Еске салсақ, өткенде ғана Астана қаласы әкімінің орынбасары Андрей Лукин бұрын сотталған адамдардың Астанаға келуіне тыйым салуды ұсынған еді.
Айтпақшы, Астана билігі EXPO көрмесі кезінде қалада жүрген БОМЖ-дар санын да бірдеңе қылып азайтқысы келіп отыр.