EXPO аумағында опырылып түскен нысанды тұрғызушы компания мәлімдеме жасады
BI Group компаниясы EXPO-2017 аумағында болған төтенше жағдайға қатысты мәлімдеме жасады.
Бұл туралы компанияның баспасөз қызметіне сілтеме жасап Tengrinews.kz хабарлады.
“2016 жылдың 16-қарашасында, сәрсенбіде шамамен сағат 13.10-да EXPO-2017 павильонында көпір құрылысының бір бөлігі опырылып түсті. Зардап шеккендер мен қаза тапқандар жоқ. Құрылыстың опырылу себептері анықталып жатыр. Бұл жобаның бас мердігері – BI Group холдингінің еншілес кәсіпорны. Жоба басшысы Ибрагим Жекеевтің айтуынша, көпір құрылысы қатты бүлінген жоқ”, – деді компанияның баспасөз қызметіндегілер.
Еске салайық, осыған дейін Астанадағы EXPO-2017 аумағында құрылыс бөлігінің опырылғаны хабарланған болатын. Бұл бүгін, 16-қарашада бірнеше сағат бұрын болып отырған жағдай.
https://www.youtube.com/watch?v=TwW4x75hq3Y
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе