“Еуразия Барысы” турнирінде Қазақстан құрамасы бас жүлдені алып, 10 миллион теңге ұтты
Қазақ күресінен Алматыдағы «Алматы Арена» спорт сарайында өткен «Еуразия Барысы» турнирінде «Қазақстан 1» құрамасы бас жүлдені жеңіп алды.
Бұл туралы ҚазАқпарат хабарлады.
Финалда «Қазақстан 1» құрамасы мен Алматы облысынан құралған «Қазақстан 2» командалары арасындағы аса тартысты өткен белдесу «Қазақстан 1» жеңісімен аяқталды.
Жалпы, «Еуразия Барысы» турниріне Бразилия, Жапония, Камерун, Грузия, Моңғолия, Түркия, Өзбекстаннан бір-бірден құрама командалар қатысса, Қазақстаннан екі команда қатысты. Бұлардың арасында Бразилия, Жапония, Камерун командалары қазақ күресінен «Еуразия Барысы» турниріне тұңғыш рет қатысып отырғанын айта кеткеніміз жөн.
Сонымен І-орын алған «Қазақстан-1» командасы 10 миллион теңгеге, ІІ-орын алған «Қазақстан-2» құрамасы 6 миллион теңгеге және ІІІ-орын иеленген Өзбекстан комансына 4 миллион теңге көлемінде ақшалай сыйақы табысталды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе