“Ессіз түндер болды”. Мақпал Исабекова мен Батыр Байназаровтың арасында не бар? (видео)

Алғашқы кездесу, тәтті ертегідегідей махаббат, ал соңынан әдеттегідей ұрыс-керіс… Иә, бұл Мақпал Исабекованың жаңа бейнебаянының желісі. Әнші көптен бері уәде еткен клипінің тұсауын кесті.

Бұл туралы Stan.kz хабарлайды.

“Шын сүйемін сені” деп аталатын бейнебаянда басты рөлді Мақпалмен бірге RinGo-лық Батыр Байназаров сомдаған. Ал тыңдармандар көңілінен шыққан әнді қырғыз композиторы Мейірбек Атабеков, ал ән мәтінін танымал қазақ ақыны Ринат Зайытов жазған.

“Бұл шынында да ессіз күндер мен түндер болды, біз қатарынан бірнеше түн ұйықтамадық. Түсірілім алаңындағы эмоция мен атмосфераны сөзбен айтып жеткізу мүмкін емес. Жалпы түсірілімде болатын ең маңызды нәрсе осы: аздап есі ауысқан бірақ өз ісін жақсы көретін адамдар  бас қосып, ортақ жұмысқа өзінің жанын, жүрегін салады. Тек осындай жағдайда адамдардың көңіл-күйін, әртүрлі сезімдерді жеткізуге болады”, – деп жазды Мақпал бейнебаян жайында.