Ертіс өзені тасып, Семейдегі тас жолды басып қалды
Шығыс Қазақстанда тасжолды тасқын су басып қалды.
Бұл туралы облыстық төтенше жағдай департаментінің баспасөз қызметі хабарлады.
«9 сәуір күні Бесқарағай ауданында Ертіс өзеніндегі су деңгейі көтеріліп, облыстық маңызы бар «Семей-Долонь» тасжолы су астында қалып қойды. Салдарынан 35 шақырым жолды су басты. Арнасынан асқан судың тереңдігі – 10-15 см, ені 20 м», – делінген хабарламада.
Бірлік ауылы су тасқынына жақын маңда, небәрі бір шақырым қашықтықта орналасқан. Су басып қалу қаупі жоқ. Қазіргі таңда өзеннің суы арнасынан асуын тоқтатты. Төтенше жағдай орнына 7 техника мен 16 адам жұмылдырылды. «ОблШығысЖол» ақпараты бойынша, аталмыш бағыттағы жол барлық көлік түрлері үшін жабылды. Айналма бағыт «Семей-Бесқарағай-Долонь» тасжолы арқылы жүзеге асырылады.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз