Дүйсенбі ауа райына қатысты еліміздің 4 облысы бойынша ескерту жарияланды, хабарлайды Қазгидромет.
Синоптиктердің болжауынша, 15 қазанда дүйсенбі күні Ақмола, Қостанай, Жамбыл, Қызылорда облыстарында ауа райы күрт құбылады. 15-16 қазанда Ақмола облысының кей жерлерде тұман, көктайғақ күтіледі, солтүстік-шығыстан соғатын желдің күші 15-20 м/с күшейеді. Сондай-ақ, Астана қаласында 15-16 қазанда тұман, көктайғақ күтіледі.
Сондай-ақ, Тараз қаласында 15 қазанда күндіз, 16 қазанда түнде оңтүстік-батыс, батыстан соғатын желдің екпіні 15-20 м/с жетеді, кей уақытта 23-28 м/с дейін күшейеді. Қызылорда облысының кей жерлерінде 15 қазанда таңертең және күндіз, 16 қазанда түнде солтүстік-батыстан 15-20 м/с жел соғады, 15-17 қазанда тұман түсіп, көктайғақ күтіледі.