Ернар Айдардың «Екеумізде бір жүрек» әнін жақында Әбдіжаппар Әлқожа «Кешірім жоқ» деген атаумен жарыққа шығарды.
«Екі қазақтың баласы басқа ұлттың әніне таласып жүргені өте ұят нәрсе. Әркімнің тыңдарманы бар. Ешкімді кемсітпеймін. Әбдіжаппар өзімнің бауырым. Еңбектеніп келе жатыр. Мен өзім жанашырмын.
Бірақ, «Ереке, әніңізді мен де орындасам» деп өтініш айтса, бір ауыз сұрай салса болады ғой.
Біздің бір-бірімізге деген құрмет-сыйымыз ерекше болу керек», – деді Ернар Айдар.
Айта кетейік, Әбдіжаппар Әлқожа аталмыш әнді қазан айының аяғында көпшілікке ұсынса, Ернар Айдар өткен жылы жарыққа шығарған.
Дереккөз: NUR.KZ