Ерлі-зайыптыны қағып өлтірген полицейге үкім шықты
Ақтөбеде ерлі-зайыптыны қағып, оқиға орнынан қашып кеткен полицей 9 жылға сотталды. 34 жастағы майор екі бап бойынша кінәлі деп танылды: «Көлікті мас күйінде жүргізіп, абайсызда екі адамның өліміне әкеп соқтыру» және «Жол-көлік оқиғасы болған жерден кетіп қалу».
Шілдеде полиция қызметкері мас күйінде Kia Sportage көлігін тізгіндеп, велосипедші мен оның жолаушысын қағып кеткен. 25 жастағы ерлі-зайыпты Шыңғыс пен Динара мерт болды. Соққан кезде көліктің жылдамдығы сағатына 121 шақырымнан асқаны анықталды.
«Симановты өмір бойына көлік құралдарын басқару құқығынан айыра отырып, 9 жылға бас бостандығынан айыру туралы үкім шығарылсын. Ол жазасын ең төменгі қауіпсіздіктегі мекемеде өтейді. Сондай-ақ Симановты ішкі істер министрлігі полиция майоры арнайы атағынан айыру туралы үкім шығарылсын», – деді судья Алтынбек Сабыров.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе