Ерлан Сағадиев мектептерде хиджаб киюге байланысты пікір білдірді

Білім және ғылым министрі Ерлан Сағадиев оқу жылы басталуы қарсаңында ведомствоның қазақстандық мектептерде хиджаб киюге қатысты ұстанымы қандай екенін айтты.

“Хиджабтарға келсек: оған мектептерде тыйым салынады. Біздің позициямыз өзгерген жоқ. Балаларды бөлек оқыту дегенді діни оқытумен шатастырудың қажеті жоқ.
Оқу қандай болса да, мектеп бағдарламасы барлығына бірдей. Ол сол күйі қалады, сондықтан да білім беру жүйесі жалпыға ортақ мемлекеттік стандарттар аясында жүргізіледі. Бұл барлығына қатысты”, – деді Ерлан Сағадиев Орталық коммуникациялар қызметінің брифингі барысында.