Ердоған Еуропаны «ауру адамға» теңеді
Түркия президенті Режеп Тайып Ердоған Еуропаға қайтадан ашу-ызасын көрсетіп, Анкараның Еуропалық одаққа қосылу жөніндегі өтінішін қайта қарайтынын мәлімдеді. Ердоған “Еуропа түрік халқына қарсы жасағанына жауап береді” деді.
9 сәуірде Измирде сөйлеген сөзінде Ердоған 16 сәуірде Түркияда президенттің құзыретін кеңейту жөніндегі референдум өткеннен кейін, Еуропа мәселесіне қайта оралатынын мәлімдеді. Түркия президенті Еуропаны «ауру адамға» теңеді. Бұл теңеуді 19 ғасырда еуропалық саясаткерлер құлап бара жатқан Осман империясына қарсы айтқан.
Әділдік және даму консервативті ислам партиясының негізін құрған Ердоған 2003 жылы ел премьер-министрі болды. Бұл қызметте ол 2014 жылға дейін, президент болғанға дейін істеді. Ердоған Түркияны парламенттік республикадан президенттік мемлекетке айналдыруды мақсат тұтатынын мәлімдеген. Осы мәселе алдағы референдумда қойылып отыр.
Батыс елдері Ердоғанды билікті бір адамның қолына көшірмекші деп айыптайды. Ол сонымен бірге 2016 жылы шілде айында елде төңкеріс жасамақ болды деп оппозицияны қудалағаны үшін сынға қалып отыр.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз