“Енді сен жетпей тұр ең?”. Талғарда сатушы қарулы қарақшының быт-шытын шығарды (видео)

Талғарда тапа-тал түсте дүкенді тонамақ болған ер адамды сатушы келіншек мылтық-пылтығымен сұлатып тастады.

Дүкен ішіндегі бұл төбелестің видеосы әлеуметтік желіге кеңінен тарап үлгерді.

Бейнежазбадан байқалғандай, ер адам кассаға жетіп келіп, аңшы қаруын сатушы келіншекке кезенеді. Алайда, ол еш ойланбастан, қылмыскердің қолындағы қаруға тап беріп, оны тартып қалып, ер адамның өзін мыжғылай түседі. Сатушыға көмекке дүкеннің тағы бір қызметкері мен бөтен ер адам келіп, қарақшының қолынан қайырып тастайды.