Енді қайттік? Facebook “фейк” жаңалықтармен күреспек екен
Facebook әлеуметтік желісі жалған (“фейк”) жаңалықтарға қарсы күресетін инструмент дайындады. Бұл туралы компанияның мәлімдемесінде айтылды.
Енді әлеуметтік желі қолданушылары лентасында жалған жаңалық байқаса, ол жазбаның оң жақ жоғарғы секторын басу арқылы мәліметтің жалған екенін белгілей алады.
Күмән туғызатын ақпараттарды Facebook фактілер тексеретін ұйымға жолдайды. Сарапшылар мәліметтің “фейк” екенімен келіссе, онда ол жазбаға “күмәнді” деген белгі қойылады.
Мұндай жаңалықтар әлеуметтік желілерден жоғалып кетпейді, олармен бөлісуге де болады, бірақ мұндай жағдайда қолданушылар жаңалықтың “күмәнді” екені туралы тағы бір ескерту алады. “Күмәнді” хабарламалар жаңалықтар лентасында азая бастайды. Бұған қоса, Facebook әлеуметтік желіде шынайы жаңалықтар ұйымдары атынан спам таратуға жол бермейтін алгоритм жасап шықты.
Компанияның жаңалықтармен жұмыс жөніндегі вице-президенті Джон Хеджменнің айтуынша, әлеуметтік желі жалған ақпараттардың таралуымен күрестің маңызды екенін түсінеді, бірақ Facebook ақпараттар алмасу үшін ашық алаң болып қала береді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз