Қазақстандық мәнерлеп сырғанаушы Элизабет Тұрсынбаева Пхенчханда өтіп жатқан Олимпиада ойындарын 12-орынмен аяқтады.
Бұл туралы Sport.kz хабарлады.
Қысқа бағдарламада Тұрсынбаева бір рет құлап, 118.30 балл алды. Бәрін қосқанда 177.12 балл алған Элизабет өткен жылы өзі орнатқан рекордтан 23 балл аз жинады.
Qazsport арнасына берген сұхбатында Тұрсынбаева өзінің нәтижесіне көңілі толатынын мәлімдеді. Өйткені Элизабет Олимпиада ойындарына жарақатынан толықтай жазылмай қатысқан еді.
Олимпиаданың алтын медаліне ресейлік екі спортшы Евгения Медведева мен Алина Загитова таласты.
Нәтижесінде алтын медаль Загитованың, күміс Медведеваның, қолы канадалық Кейтлин Осмондтың еншісінде кетті.