Елімізде тағы жаппай көш басталғалы тұр. Ал Оңтүстіктен солтүстік өңірлерге қоныс аударған отбасыларына 710 миллион теңге қаржылай көмек беріледі, деп хабарлайды КТК арнасы.
Бұл тек 2017 жылы көшкен 288 түтіннің субсидиясы.
Оның 172-сі белгіленген төрт өңірде қоныс теуіп үлгеріпті. Олар Солтүстік Қазақстан, Павлодар, Қостанай, Шығыс Қазақстан облыстары. Үкімет ішкі көшке қосылған әрбір жанның жол шығынына 80 мың, сондай-ақ үйлі болғанша жыл бойы баспана жалдауына ақша береді.
“Ауылда жер телімдерін алуға, ауыл шаруашылығымен айналысуға қазір заң бойынша конкурс арқылы беріледі. Сондықтан, егер де осы саясатты қолдап, біздің бағдарлама аясында көшіп жататын болса, ол жерді конкурссыз беру мәселесін қарастырып жатырмыз”, – дейді ҚР Еңбек және әлеуметтік қорғау вице-министрі Біржан Нұрымбетов.