Қазақстанның 5 облысына қатысты қатты дауыл тұруы, ауа-райының қолайсыздығының ықтималдылығы туралы ескерту жарияланды.
Бұл туралы ҚР Ішкі істер министрлігі Төтенше жағдайлар комитеті хабарлады.
4 қарашада күндіз Оңтүстік Қазақстан, Жамбыл, Алматы облыстарында ауа температурасы 0-5, кей жерлерде 10 градус жылыға дейін, түнде 5-6 қарашада 3-8, кей жерлерде 11 градус аязға дейін төмендейді. 4 қарашада түнде және таңертең Жамбыл облысында жауын-шашын, кей жерлерде қатты жауын-шашын жауады. 4 қарашада түнде және таңертең жел солтүстік-батыстан соғады, күші 23-28, екпіні 30 м/с аса күтіледі. Кей жерлерде көктайғақ, тұман күтіледі.