Төтеншеліктер «Қыс-2017» республикалық командалық-штабтық оқу-жаттығуын бастады. Оқу-жаттығу 9-10 қараша аралығында өтеді.
Бұл туралы ҚР ІІМ ТЖ комитетінің баспасөз қызметі хабарлады.
Жаттығу «Қысқы кезең жағдайында төтенше жағдайларды жою кезіндегі іс-қимылдарға азаматтық қорғау мемлекеттік жүйесінің басқару органдары мен күштерін даярлау» тақырыбында өтуде.
Оқу-жаттығу қыс кезеңіндегі төтенше жағдайларды жоюға Азаматтық қорғау мемлекеттік жүйесінің және халықтың дайындық деңгейі мен қабілетін арттыру, азаматтық қорғау қызметтері мен құрамаларының қысқы кезеңдегі ТЖ-ға ден қоюға әзірлігін тексеру мақсатында өткізіледі.
«Қыс-2017» оқу-жаттығуы аясында республика бойынша ТЖ-ны жою және зардап шеккендерге көмек көрсету бойынша іс-әрекеттерді пысықтауға арнайы тактикалық жаттығулар өткізіледі.