Мемлекеттік индустрияландыру бағдарламасы бойынша тұрғызылған, жарнамасы жер жарған кәсіпорындар сол күйі ашылмады. Бұл туралы КТК хабарлайды.
“Бүгінгі таңда тұралап тұрған 15 нысан бар. Төртеуі Қостанайда, Ақмола, Ақтөбе, Шығыс Қазақстан мен Павлодар облыстарында екеуден, Атырау, Батыс және Солтүстік Қазақстанда бір-бірден. Аталған өңір басшылары бұл істі дереу қолға алулары тиіс”, – деді ҚР премьер-министрі Бақытжан Сағынтаев.
Қағаз жүзінде ғана кәсіпорын ашатын әкімдермен әңгіме енді басқаша болады. Премьер-министр желтоқсанның біріне дейін тұралап тұрған 15 зауытты түгел іске қосуға пәрмен берді.
Қолда бары жөнді істемей тұрғанда биыл Үкімет индустрияландыру бағдарламасына өткен жылдан екі есе көп ақша, 360 млрд теңге бөліп қойыпты.