ҚР Парламенті Сенатында азаматтарды әлеуметтік қамсыздандыру мәселелері бойынша заң қабылданды, деп хабарлайды Baq.kz.
ҚР Парламенті Сенатында азаматтарды әлеуметтік қамсыздандыру мәселелері бойынша заң қабылданды, деп хабарлайды Baq.kz.
Аталған заң жобасында 2017 жылғы 1 шілдеден бастап зейнетақылардың мөлшерін 2016 жылғы деңгейден 20 пайызға дейін арттыру қарастырылған.
Ынтымақты зейнетақы жыл басынан 9 пайызға көтерілгенін ескере отырып, тағы 11пайызға артатын болады. Базалық зейнетақы жыл басынан 7 пайызға көтерілгенін ескере отырып, тағы 13 пайызға артады. Бұл өсім барлық зейнеткерлерді немесе 2 миллионнан астам адамды қамтиды.
2017 жылғы 1 шілдеден бастап бала туғанда берілетін біржолғы жәрдемақының мөлшерін 20 пайызға өсіру қарастырылған.
Жұмыс берушінің 5 пайыз міндетті зейнетақы жарна төлеуін енгізу қарастырылған мерзімді 2018 жылдан 2020 жылға ауыстыру көзделген.
ҚР Еңбек және халықты әлеуметтік қорғау министрлігінің баспасөз қызметі мәлім еткендей, жалпы, зейнетақылар мен аталған жәрдемақы түрін ұлғайтуға, республикалық бюджеттен 81,6 млрд теңге қарастырылған.