«Электронды үкімет» үздік отыздыққа кірді
Бүгінде инновациялық дамудың қарқыны көп жағдайда цифрлық желілердің инфрақұрылымына байланысты. Бұл туралы Бейбітшілік және келісім сарайында өтіп жатқан XI Инновациялық форумда Ақпарат және коммуникация министрі Дәурен Абаев айтты.
Бұл туралы Егемен Қазақстан жазады.
«Мәселен, ұялы байланыс абонеттерінің саны жағынан біз 5-ші орынға көтерілсек, ғаламторды пайдалану бойынша әлем елдері ішінде 61-ші орынға шықтық. Ал спутниктік байланыс барлық территорияны қамтиды. Өткен жылы Қазақстан озық ақпараттық теxнологияларды дамыту жағынан ТМД елдерін артқа тастап, 40-шы орынға көтерілді. «Электронды үкіметті» дамыту бойынша біз үздік 30-дыққа кіреміз. Алайда уақыт бір жерде тұрмайды. Оны бәріміз жақсы білеміз. Сондықтан біздің министрлік «Цифрлық Қазақстан» атты жаңа бағдарланы даярлап жатыр. Оның ішінде ел экономикасын «инновациялық рельске» қою мәселесі де бар», — дейді Д. Абаев.
«Бүгінде инновациялық экономиканы дамыту елдің бәсекеге қабілеттілігін, азаматтардың өмір сапасын арттырудың маңызды факторына айналғаны белгілі. Осы тұрғыда елімізде «Қазақстан — 2050» стратегиясы мен «100 нақты қадам» Ұлт жоспары аясында ғылыми-теxникалық және инновациялық жүйелерді нығайтуға жол салатын іргелі бастамалар жүзеге асуда. Өз кезегінде ақпарат және коммуникациялар министрлігі осы бағыттағы міндеттерді іске асыру шеңберінде «электронды үкіметті» дамыту мен «Цифрлық Қазақстан» бағдарламасын әзірлеу бойынша жұмыстарды қолға алуда», — деп атап көрсетті Д. Абаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе