Елбасы Ұзақбай Қарамановтың қайтыс болуына байланысты көңіл айтты

26 қыркүйек 2017, 9:45

167

Жеделхатта Қазақстан Президентінің көрнекті мемлекет және қоғам қайраткері Ұзақбай Қарамановтың дүниеден өткені туралы хабарды зор күйзеліспен қабылдағаны айтылған.

“Ұзақбай Қараманұлы бүкіл ғұмырын халқы мен туған елінің өсіп-өркендеуіне арнады. Ол өзінің зор ұйымдастырушылық қабілеті мен қоғамдағы беделінің арқасында көптеген жоғары лауазымды мемлекеттік қызметте болып, өзіне жүктелген міндеттердің барлығын абыроймен атқара білді”, – делінген жеделхатта.

Мемлекет басшысы қазақстандықтар оның есімі мен ел алдындағы еңбегін әрдайым есте сақтайтынын атап өтті.

Ұзақбай Қараманов – еңбек жолын 1959 – 64 жылдары Шұбарқұдық автобазасында прораб қызметінен бастады. 1990-1992 жылдары Қазақ КСР премьер-министрі болған. 1991 жылдың қазан айынан 1995 жылға дейін ҚР Мемлекеттік кеңесшісі болып қызмет атқарған.

1999 жылдың қазан айынан ҚР Парламенті Мәжілісі ІІ-шақырылымының депутаты, ал 2004 жылдың қазан айынан 2007 жылға дейін ҚР Парламенті Мәжілісі ІІІ-шақырылымының депутаты болды.