Елбасы күллі қазақстандықтарды Астананың мерейтойымен құттықтады (видео)
Қазақстан Президенті Нұрсұлтан Назарбаев Астананы салу күллі қазақстандықтардың еңбегі екендігін айтты.
Бұл туралы ол Ақорданың Instagram-дағы ресми парақшасында орналастырылған видеода мәлім етті.
«Біз Қазақстанды, еңселі елорда – Астананы салдық. Бұл күллі қазақстандықтардың еңбегі. Бұл қазақстандықтардың болашаққа деген сенімі болды. Сондықтан да мен осы идеяны қолдаған барлықтарыңызға алғыс айтамын.
Біз жаңа елордамызды сала алдық, енді оның 20 жылдық мерейтойын атап өтеміз. Барлық астаналықтарға жақсылық пен береке-бірлік тілеймін», – деді Елбасы.
Айта кетелік, бүгін Астанадан бөлек ҚР Тұңғыш Президенті Нұрсұлтан Назарбаевтың туған күні. Елбасы бүгін 78 жасқа толып отыр. Назарбаев өзінің туған күнін екі рет атап өтетінін айтады. Біріншісі туған күні – 6-шілдеде, одан соң Қазақстан халқы дауыс беріп өзін президент етіп сайлаған күн – 1-желтоқсанда.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе