Елбасы қыз-келіншектерге Отан қорғаушылар күнін естен шығармау керектігін айтты
Ақордада құқық қорғау және әскери қызметкерлерді марапаттаған Қазақстан Президенті, Қарулы Күштердің Жоғарғы Бас Қолбасшысы Нұрсұлтан Назарбаев қыз-келіншектерге Отан қорғаушылар күнін естен шығармау қажеттігін айтып, әзілдеді.
Бұл туралы Baq.kz хабарлады.
«Отан қорғаушылар күні» деп 7 мамырды атадық. 1992 жылы дәл осы күні қазақтың Қарулы Күштерін құру туралы жарлыққа қол қойдым. Сондықтан ер-азаматтарды, Отан қорғаушыларды біздің жұбайларымыздың, ата-аналарымыздың құттықтайтын күні дәл сол күн. Олардың есіне сала бермесек, кейде ұмытып кетеді», – деп әзілдеді Президент салтанатты жиын барысында.
Осы орайда Мемлекет басшысы әскери қызметкерлерді мерекелерімен құттықтады.
«Ерен еңбектің арқасында ең жоғары генерал атағын алу үлкен қуаныш деп білемін. Осы қуаныштарыңыз құтты болсын! Сіздерді, жанұяларыңызды, бірге істеген жора-жолдастарыңызды құттықтаймын!», – деп түйіндеді сөзін Қазақстан Президенті.
Естеріңізге сала кетейік, бұған дейін Мемлекет басшысы Нұрсұлтан Назарбаев Ақордада өтіп жатқан салтанатты жиында Тәуелсіздік алған кезде елдің әскерін басқаратын бір генералды іздеп, жалғыз Сағадат Нұрмағанбетовты тапқанын айтқан болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе