Қаңтардың он сегізінде Қазақстан Президенті Нұрсұлтан Назарбаев БҰҰ Қауіпсіздік Кеңесінде өтетін жоғары дәрежелі тақырыптық брифингте сөз сөйлейді, деп хабарлайды 24.kz.
Ол жерде жаппай қырып-жою қаруын таратпау мәселесі әңгімеге арқау болады.
Келелі жиынға сондай-ақ өзге елдердің де басшылары мен министрлері қатысады.
Ал он тоғызында Қазақстанның Сыртқы істер министрі Қайрат Әбдірахманов Ауғанстан мен Орталық Азия елдері арасындағы өңірлік ынтымақтастықты арттыруға бағытталған министрлік деңгейіндегі дебатқа төрағалық етпек.