Өнеркәсіп өндірісі көрсеткіші тосын оқиғаларға қарамастан өсіп жатыр.
Индустриялық өсудің негізгі көзі бұл жолы 8% қосып отырған өңдеу өнеркәсібі болды.
Тауарлардың жекелеген санаттары бойынша ақпан айында өнім шығару артты:
Теріс тренд мына санаттар бойынша қалыптасты:
Жылдық мәнде, яғни былтырғы ақпанға қарай өңдеу өнеркәсібінде 8,5%-ға, ал орташа жылдық (өткен жылдың ұқсас кезеңіне қаңтар – ақпан) – 3,9%-ға өсім қалыптасты.
Отандық индустрияның тағы бір “локомотиві” – тау-кен өндіру саласында ақпан айы шығару көлемінің қаңтармен салыстырғанда 2,8%-ға төмендеуімен аяқталды.
Бұл құлдырау өндірісі 9,4%-ға құлдыраған мұнайға байланысты болды, табиғи газ (7,7%) және темір кені (12,9%) төмендеді. Өндіріс өсімі көмір (4,5%) және түсті металл кендері (16%) арқылы сақталды.
Бірақ бұл саладағы жылдық және орташа жылдық есептеулерінде өсім тиісінше 5,6% және 6,4% өсім түрінде оң көрсеткішті сақтап қалуға мүмкіндік берді.
Электрмен жабдықтау, газ, бу беру және әуе кондиционерлеуі саласында ақпан айына қарай шығарылымның 6,5%-ға төмендеуі байқалды. Теріс тренд мұнда жылдық (0,8%) және орташа жылдық (2%) мәнде де қалыптасты.
Бірақ басқа инфрақұрылымдық салада – сумен жабдықтау, кәріз және қалдықтарды жинау мен бөлуді бақылау бойынша жағдай өте жақсы көрсеткіш байқатып отыр. Қаңтармен салыстырғанда оның нақты өндіріс көлемі 4,1%-ға, жылдық есептеуде – 6,8%-ға, орташа жылдық – 5,8%-ға ұлғайды.
Тұтастай алғанда, бүкіл отандық индустрия бойынша өнім шығару былтырғы ақпанға қарай 6,5%-ға, ал қаңтар-ақпан айларында 2021 жылдың ұқсас кезеңіне қарағанда – 4,7%-ға өсті.
Осыған байланысты қаңтар айындағы оқиғалар кезінде ең көп шығынға ұшыраған Алматы өте жақсы көрсеткішке жетіп отыр. Оңтүстік астанада ақпанның нақты өндіріс көлемі қаңтармен салыстырғанда 20,3%-ға артыпты. Бұл ел өңірлері арасындағы ең жоғары өсім болып отыр.
Көш бастағандардың үштігіне Нұр-Сұлтан (17,3%) және Алматы облысы (16,3%) кірді.
Статистиканың индустриялық шығарылымының төмендеуі Атырау (7,4%), Батыс Қазақстан (9,5%), Жамбыл (6,2%), Қостанай (7,0%) және Маңғыстау (6,6%) облыстарында тіркелді.
Есептеу уақытында жылдық мәнде 13,9% өсіммен Алматы көш бастап тұр, ал ең көп төмендеу Ақтөбе облысында – 2,2%-ға тұрақтады.
Статистикалық есептеулерде орташа жылдық есептеуде ең көп ұлғаю Атырау облысында байқалды (15,0%). Осындай есептеу тәсілі кезінде үш аутсайдер байқалды – Ақтөбе облысы, онда өндірістің нақты көлемі 7,9%-ға төмендеді, Қызылорда (5,8%) және Павлодар (1,0%) облыстары.
*ҚР өңірлері бойынша өнеркәсіптік өндірістің нақты көлемінің индекстері.*
*2022 жылғы қаңтар-ақпанда ҚР өңірлері бойынша өнеркәсіптік өндірістің нақты көлемінің 2021 жылғы қаңтар-ақпанға қарағанда %-бен өзгеруі көрсеткіші (өсім +, төмендеу -)*