“Ел ағалары елді егілтті”. Мейрамбек Беспаев пен Медеу Арынбаев хит орындады (видео)

Қазақтың шоу-бизнесіндегі ел ағалары – Медеу Арынбаев пен Мейрамбек Беспаев дуэт болып, жаңа ән орындады.

Су жаңа әннің авторы – Медеу Арынбаевтың өзі болса, сөзі – танымал ақын Әбдірахман Асылбековтікі.

Жаңа туынды балалық шаққа, ауылға, ауылда қалған ағайын-туысқа деген сағынышты жырлайды.

Ауылда жайы болмаған көп әлеумет қалаға көшіп келіп, қоныс теуіп жатқаны рас. Күйбең тіршілік артқа дұрыстап қайырылуға да мұрша бермей, дел-сал жүрген қазақтар қалада көп. Жүректе үңірейген бір дүние бір нәрсені тілейтін секілді. Бірақ оны ойлап, кесіп-пішіп жатқан ешкім жоқ.

Ал Медеу Арынбаев мен Мейрамбек Бесбаевтың орындауындағы жаңа ән сол жүректегі түсініксіз қылдың сырын шертіп, іштегі запыранды лақ еткізіп, сыртқа шығарғандай болады. Сөйтсек оның аты „Сағыныш„ екен…

Ендеше жаңа әннің видеосын өз назарларыңызға ұсынамыз.