Масқара болғанда, Астанада алименттен жалтарған жігіттердің қарызы жарты миллиард теңгеге жетіпті. Осылайша 8 мыңдай бала міндетті қаржылай қолдауын ала алмай отыр.
Бұл жөнінде прокуратураның ведмоствоаралық жедел жиынында айтылды, деп жазады 24.kz.
Мәселен, бүгінге дейін 132 адам әкімшілік жауапкершілікке тартылған. Ал төртеуіне қатысты қылмыстық іс қозғалды. Бұған қоса, іздеуде жүрген ондаған борышкер бар. Тығырықтан шығудың бір жолы ретінде еңбекпен қамту мәселесі қолға алынған еді. 100-ден аса адамға жұмысқа тұруға көмек көрсетілді. Бірақ бұдан да қайран шамалы.
Ерлан Гаипов, Астана қаласы «Сарыарқа» аудандық прокуратурасының бөлім прокуроры:
– Төлемеудің басты себебі – көп борышкерлердің екінші жанұяларының болуы. Бірінші жанұясына ақшасы жетпейді. Кейбіреулері бар өздерінің бұрынғы жұбайларымен ұрысқанының нәтижесінде төлемеу міндетін қояды. Сол сияқты борышкерлермен біз күресудеміз. Жауапкершілікке тартуға шара қолданып жатырмыз.