Эфиопияда саяси дағдарысқа байланысты премьер-министр Хайлемариам Десален қызметінен кетіп, елде төтенше жағдай жарияланды.
Шешімді билік басындағы «Эфиопия халқының революциялық-демократиялық майдан» одағы жариялады, – деп хабарлайды Хабар 24 телеарнасы.
Оған биліктің ел астанасы Аддис-Абеба аумағын оромо шаруалары жерінің есебінен ұлғайту жоспары түрткі болды. Кейін наразылыққа амхара тайпасының өкілдері қосылды.
«Премьер-министрдің кей мәселелерді өзгертуге мүмкіндігі болды. Бірақ билеуші партияның ықпалы күшті болып, соған тәуелді еді. Сондықтан оның отставкасы дұрыс шешім деп ойлаймын», – дейді саяси сарапшы Халлелуя Лулие.