Дычконың кезекті жеңісі: “Супермэн” деп шулаған америкалықтар аңтарылып қалды
Қазақстандық боксшы Иван Дычко кәсіпқой рингтегі кезекті кездесуін нокаутпен аяқтады.
Бұл жолы жерлесіміз мексикалық Карлос Сандовалмен қолғап түйістірген болатын деп хабарлады Vesti.kz.
Дычко АҚШ-тың Флорида штатында өткен бокс кешінде жұдырықтасты. Қазақстандық боксшының қарсыласы мексикалық Карлос Сандовал (10-15-1, 6 КО) “Супермен” деген лақап атпен танымал екен. Жекпе-жек алты раундқа есептелгенімен қазақстандық боксшы қарсыласын алғашқы раундта нокаутқа түсірді.
Бұл бокс кешінің басты жекпе-жегі жартылай ауыр салмақта WBC чемпионы болған канадалық Жан Паскаль (31-5-1, 18 КО) мен 27 жастағы мысырлық Ахмед Елбиали (16-0, 13 КО) арасында болғанын айта кетейік.
Еске салайық, 27 жастағы Дычко кәсіпқой боксқа биыл өтіп, алдыңғы екі жекпе-жегін де уақытынан бұрын аяқтаған.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз