ҚР премьер-министрінің орынбасары Ерболат Досаев Үкіметтің Ұлттық банктегі өкілі болып тағайындалды, деп хабарлайды Tengrinews.kz тілшісі.
Бұл жөнінде үкіметтің 2017 жылғы 28-қыркүйектегі № 600 қаулысында көрсетілген. Cондай-ақ, қаулыда Тимур Сүлейменовтің ҚР үкіметінінің Ұлттық банктегі өкілі міндетінен босатылғаны айтылады.
Ерболат Досаев 2013-2014 жылдары Ұлттық экономика министрлігін басқарды, 2012-2013 жылдары экономикалық даму және сауда министрі болды. 2004-2006 жылдары Денсаулық сақтау, Қаржы министрліктерін басқарды.
Сондай-ақ, 1998 жылы Қазақстан премьер-министрінің кеңесші қызметін атқарған.
Ал тамызда Досаев премьер-министрдің орынбасары лауазымына тағайындалған-ды.