АҚШ конгресі өкілдері палатасының 18 мүшесі КХДР ядролық проблемасын шешуге атсалысқаны үшін президент Дональд Трампты бейбітшілік сыйлығына ұсынып, Нобель комитетіне ресми хат жолдады, дейді РИА Новости.
“Президент Трамп Солтүстік Кореяға жан-жақты қысым жасап, оның заңсыз жаппай қырып-жоқ қару жасау бағдарламасына бөгет қойды. Трамптың “күш көрсету арқылы бейбітшілік орнату” стратегиясы өміршең екенін көрсетті, осылайша Корей түбегіне бейбітшілік әкелді. Біз 2019 жылы Нобель комитетінің сыйлығына әлемде бейбітшілік орнату жолында тынбай еңбектенген президент Трамп әбден лайық деп санаймыз“, – делінеді әлгі хатта.
Ол аздай, жақын арада Ким Чен Ын АҚШ президенті Дональд Трамппен кездеспек деген ақпарат бар.