Дональд Трамп коронавирусты 15 минутта анықтайтын тестіні көрсетті
АҚШ президенті Дональд Трамп 15 минуттың ішінде ағзадағы коронавирусты анықтайтын, тез әрекет ететін тестіні көрсетті. Оны Пенсильвания штатындағы ABC телеарнасы ұйымдастырған іс-шарада таныстырды.
— Мен сіздерге ерекше бір нәрсені таныстырғым келеді. Менің қолымда бүгін шығарылған жаңа тест үлгісі бар, — деген Трамп пенжегінің қалтасынан ішінде тест жолағы бар кішкене картонды шығарды.
Президенттің айтуынша, әр адам тестті өзінде сақтап, вирустың бар-жоғын тексере алады. Сонымен қатар Трамп Abbott компаниясы жасаған жаңа құрылымның бір қарағанда қарапайым көрінсе де, өте күрделі екенін атап өтті.
— Дегенмен оның пайдаланылуы оңай және нәтижесі нақты, — деді Ақ үйдің басшысы.
Сонымен қатар, америкалық көшбасшы елде Covid-19-ға қарсы вакцина үш-төрт аптадан кейін дайын болуы мүмкін деп мәлімдеді. Ол өзінен бұрынғы президент әкімшіліктерін сөзбен түйреуді де ұмытпады. Трапмтың айтуынша, олар вакцинаны әлдеқайда ұзақ уақытта дайындар еді.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз