Айсәуле болашақ қайыненесімен той көйлегін іздеп шыққан сәтін түсірген видеосын жариялады.
Айта кетелік, танымал продюсер Баян Алагөзованың қызы Айсәуле Бақытбек күйеуге тигелі жатқаны белгілі. Оның туған күнінде жүріп жүрген жігіті – Әлішер саусағына неке жүзігін тағып, тіпті құда да түсіп қойған. Бірақ той, жігіттің жақын жұрағаты туралы мәлімет осы күнге дейін жарияланбаған еді. Мұны видеода Айсәуле де растады.
„Көбісі сұрап жатады, бәріне қызық менің қай елге күйеуге тиіп жатқаным. Ал көріңіздер, бұл менің болашақ мамам… Екеуміз Сәукеле дүкені жанында той көйлектердің көрмесінде жүрміз„
дейді видеода Айсәуле.
«Санын жарқыратып». Желіге «сексуалды» суреттерін жүктеген Әсел Асқар елді дүрліктірді
NUR.KZ порталының хабарлауынша,
видеода Айсәуле „болашақ мамам„ деп таныстырған адамның аты-жөні – Диляра Қайдарова. Ол кісінің лауазымы жоғары, институт директоры екен. Нақтырақ айтқанда, Қазақ онкология және радиология ғылыми-зерттеу институтының директоры.
Желідегілерді Айсәуле мен оның болашақ енесінің ұқсастығы таң қалдырған.
„Келін қайынененің топырағынан жаратылған„ деген, „Қатты ұқсайды екенсіздер„ „Келіні емес, сіңлісі секілді, көздеріңіз қатты ұқсайды„ деп жазды оқырмандар.