«Дипломмен ауылға» бар енді! Зорланған қыз ауруханадан шықты
Медицина университетінің 25 жастағы түлегі ауруханада бір айға жуық емделді.
19 қыркүйек күні жедел медициналық жәрдем ауруханасына көршісінен зәбір көрген әйел жеткізілген болатын. Дәрігерлер жағдайын орташа ауыр деп бағалады: оның тістері сынып, денесінде сау жері болмаған. Ауруханада өзге дәрігерлермен бірге психологтар жұмыс істеді, деп хабарлайды ҚазАқпарат Ақтөбенің “Диапазон” газетіне сілтеме жасап.
«Науқастың жағдайы жақсарды, жақын күндері ауруханадан шығардық, тұрғылықты жерінде қосымша ем қабылдайтын болады», – деп атап өтті жедел медициналық жәрдем ауруханасының бас дәрігер орынбасары Ардақ Есенжолова.
25 жастағы дәрігер төрт ай бұрын «Дипломмен ауылға» бағдарламасы бойынша шалғайдағы ауылға жұмысқа келген. Оны 47 жастағы көршісі аяусыз соққыға жығып, зорлаған. Қылмыс дәрігердің үйінде орын алған. Қыздың дауысын естіген өзге көрші жедел жәрдем мен полиция шақырған.
Жас дәрігер жеті айлық ұлын жалғыз өзі тәрбиелеуде. Оқиғадан кейін емізулі баланы туыстары алып кеткен.
Жәбірлеуші күдікті қамауға алынды.Оның бес баласы бар, үлкен балалары отбасын құрған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе