Бұл туралы Stan.kz хабарлайды.
Күні кеше миллионға жуық оқырман Динараның қуанышының куәсі болды. Әнші өзінің “ерекше күйдегі” суретін жариялап: “Бақытты сатып ала алмайсың, есесіне оны дүниеге әкелуге болады”, – деп жазды.
Суреттен Динараның жүкті екенін байқаған жұрт оны құттықтай жөнелді.
“Құттықтаймыз, көпбалалы отбасы болғанға не жетсін, 2 баламен шектелетіндерді түсінбеймін, бала деген бақыт қой”, “Құттықтаймыз, ұрпақ байлығын тілеймін”, “Құттықтаймыз Динара, Айшаның артынан іні-сіңлілері ере берсін”, “Аман есен босанып алыңыз”, “Жаныңыз қалсын”, – деп ақ тілектерін жаудырды желі оқырмандары.
Айта кетейік, Динара 2015 жылы Олжас есімді азаматпен шаңырақ көтерген. Жұптың 1,5 жасар Айша есімді қызы бар.