Дін істері министрлігінің лауазымды шенеунігі сотын Астанада өткізуге қарсы шықты

Парамен ұсталған лауазымды шенеунік Астана соттарының әділдігіне мүлдем сенбейді. Дін істері және азаматтық қоғам министрлігі Комитет төрағасының бұрынғы орынбасары Бауыржан Мусин, өзіне қатысты істің кез-келген облыстық сотта қаралуын талап етіп отыр, – деп хабарлайды КТК арнасы.

Бүгін басталған сот отырысында Мусин мен адвокаты ә дегеннен судьяға бірінен соң бірі шағым түсіріп, отырыс кейінге шегерілді. Себеп, қылмыстық іс пен айыптау хаттамаларының көшірмесін қолға алмаған. Осыны ескерген судья келесі отырысты 14-ші қыркүйекке қалдырды. Алайда Мусин мен оның адвокаты бұған да қанағаттанбай, судья мен прокурорды істен шеттетуге ниетті. Еске салсақ, 31 жастағы Азаматтық қоғам комитеті төрағасының орынбасары Бауыржан Мусин тендер кезінде кәсіпкерге көмектескені үшін 400 мың теңге пара алып, наурызда ұсталған еді. Онымен бірге айыпталуышылар қатарында бизнесменнің өзі де бар.