Қазақстандық әнші Димаш Құдайберген қатысып жатқан «Singer 2017» ән байқауының IV-кезеңі эфирге шықты.
Димаш бұл кезеңде Қытайдың гонконгтық Джеки Чун Хок-Яудың репертуарынан «Қоңыр күз» әнін шырқады. Жерлесіміз өзінің тиянақты дайындығының арқасында әнді қытай тілінде акцентсіз орындап, жан тебірентерлік дауысымен қытайлық көрермендердің жүрегінен орын алды.
Димаш іріктеу сайысының екінші айналымында екі жарыс күнінде (байқаудың үшінші және төртінші кезеңі) үшінші орынан көрініп, қорытынды есеп бойынша тағы бірінші орынды иеленді. Ал Ду Лиша ханым жобамен қош айтысты.
Әр кезеңде бір әнші шығып қалып жатқандықтан бұл сайыстың бәсекелестігі қатая түскен.
Келесі кезеңде Димаш «Uptown Funk» әнін орындап, бесінші орынды иеленгені туралы ақпарат шықты.
Бұл жолы Чжао Лей ән жарысы жолынан шығып қалыпты. Ал Димаш одан кейінгі кезеңге даярлық үстінде. Оған тек сәттілік пен ақ жол тілейміз!