Димашқа өз өлеңін айтуға тыйым салған Витас қазақ тілінде пост жариялады

Әрине, компьютерлік сөздікке салынып, жарияланған бұл жазбадан қазақша тікелей аударманы аңғару қиын емес. Сөзсіз, қатесі мол. Алайда әнші продюсері Димашқа Витастың әнін салуға бұдан былай салған тыйымынан кейін жерлесімізді қорғап, оның парақшасына жазба қалдырып жатқан қазақстандықтар көбейген. Әрине, бұл жайтты өз ұпайына пайдалана түскісі келген Витас ілтипаттылық танытып бағуда.

Еске сала кетейік, Димаш Құдайберген Қытайда өтіп жатқан I Am a Singer музыкалық конкурсының ІІ-кезеңінде де жеңімпаз атанған болатын. Ол ресейлік әнші Витастың “Опера 2” атты туындысын асыра орындаған еді.Димаштың өзі бұл әнді 4 модульяцияға және 2 тонға жоғары айтамын деп алдын ала жар салған. Ол осы уәдесін қалтқысыз атқарып, Айды аспаннан бір-ақ шығарды.