Қытайдағы «Singer 2017» ән байқауына қатысып жатқан қазақстандық әнші Димаш Құдайбергенов байқаудың IV-кезеңінде қытайша ән шырқайды.
Бұл туралы ҚазАқпарат хабарлады.
Димаш гонконгтық Джеки Чун Хок-Яудың (张学友) репертуарынан «Қоңыр күз» (秋浓意) әнін орындайды.
Джеки – Қытай эстрадасының жарық жұлдызы. 90-жылдары жеке альбомының сатылымы бойынша Майкл Джексоннан кейінгі ІІ-орынды иеленген. 2000 жылы жеке альбомының сатылымы 60 мың данадан асып, әлемнің көптеген елінде жеке концерттер берген.
«Қоңыр күз» (秋浓意) әні 1993 жылы алғаш рет орындалды. Кейін жапон, корей тілдеріне аударылған.
Айта кетелік, алдында кейбір бұқаралық ақпарат құралдары Қытайдағы «Singer 2017» ән байқауына қатысып жатқан Димаш Құдайберген байқаудың IV-кезеңінде Уитни Хьюстонның әнін орындайды деп хабар таратқан еді. Бұл мәлімет жалған болып шықты.
https://www.youtube.com/watch?v=J29L4biZY3I
https://www.youtube.com/watch?v=vu7H-x-cFcE