Димаш Құдайберген келесі кезеңде фортепианода ойнап, итальянша ән салады (фото)
Димаш Құдайбергеновтің Қытайдағы I am a Singer жобасының алтыншы кезеңінде орындайтын әні белгілі болды.
Ол жуырда ғана өзін кездесуге шақырған әлемге әйгілі бельгиялық әнші Лара Фабианның итальян тіліндегі «Adagio» әнін орындамақ. Бұл жолы Димаш фортепиано ойнап отырып, ән салатын болады.
Қытайдың «Weibo» әлеуметтік желісі Димаштың келесі кезеңге дайындық кезіндегі суреттерін жариялап та жіберді.
Есте болса, қазақ әншісінің даусына тәнті болған Лара Фабиан оны кездесуге шақырды. Бірақ Димаштың Ларамен қашан кездесетіні белгісіз. Оған Димаштың тығыз жұмыс кестесі кедергі келтіріп отырған көрінеді.
Айта кетейік, жобаның алғашқы ІІ-кезеңінде Димаш І-орынды иеленіп, екі рет қатарынан жеңіс кубогын жеңіп алды. Одан кейінгі қос кезеңде Құдайбергенов ІІІ-орынға тұрақтады. Ал эфирден енді көрсетілетін бесінші кезеңде Димаш V-орынды қанағат тұтты.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз