Димаш Құдайберген “Әлем аруы-2018” байқауында қазақша ән шырқады

9 желтоқсан 2018, 16:32

212

kaz.365info.kz

Димаш байқау сахнасында өзінің авторлық “Ұмытылмас күн” әнін орындады. Естеріңізде болса, Қытайда өткен Singer байқауы кезінде Құдайбергенов дәл осы әнді қазақ және қытай тілдерінде орындаған болатын.
Димаштың өнер көрсетуі кезінде “Әлем аруы-2018” байқауының қатысушылары сахнаға шығып, әншіге қошемет көрсетті.

“Халықаралық сыйлықтың иегері, сенсация-әнші Димаш көрермендерді кереметтей орындау шеберлігімен, вокалдық қабілетімен, диапазонымен таңдай қақтырды”, – деп атап өтті байқау ұйымдастырушылары.

Айта кетейік, Димаш аталған байқауға қазақстандық Екатерина Дворецкаяны қолдау үшін барған еді. Өкінішке қарай, қазақстандық ару үздік 30 сұлудың қатарына кіре алмады. Ал “Әлем аруы-2018” титулы мексикалық сұлуға бұйырды.