Қытай фанаттары базарға барған Димаш Құдайбергенді қаумалап, қоршап жүргізбей қойды.
Осы жайттан соң Қытай телеарнасы Димашқа 4 күзетші бөліп беріпті.
Мына бір видеоны жариялаған Қытай фанаты: „Ол не деді, аударып беріңіздерші„ деп өтініпті. Ал ол видеода қасындағы қытайша жақсы білетін Алпамыс деген жігітке: „Саған сөйле деп жатыр„ – дейді.
Видеода Димаштың жанына серік болған Алпамыс: „Күзетпен жүруге мәжбүр болып жатырмыз. Димаштың фанаттары осындай. Тек күзетшілердің көмегімен жүруге тура келіп тұр„ деп айтады.
Кейінгі ақпараттарда, тіпті Димашпен тілдескісі келген қытайлық фанаттардың кейбірі қазақ тілі курсына жазылып жатқаны да айтылады.
Айта кетелік, Димаш Құдайбергенді қытайлар өз тілдеріне ыңғайлап Ди Ма Ши деп айтып жүр.
https://www.youtube.com/watch?v=D15A22iKowM