“Депутаттар, сендер сыймайсыңдар”. Ұлттық пантеонда кімдер жерленетіні белгілі болды

Ұлттық пантеонда мынандай адамдар жерлене алады:

– Қазақстан президенттері мен олардың отбасы мүшелері;

– Қазақстанның премьер-министрлері мен оның орынбасарлары, парламент палатасының төрағалары мен олардың орынбасарлары, мемлекеттік хатшылар, президент әкімшілігі басшылары, конституциялық кеңес, Ұлттық банк пен Жоғарғы сот төрағалары;

– министрлер, президентке тікелей бағынатын мемлекеттік орган басшылары, облыс әкімдері, республикалық маңызға ие қала әкімдері, Астана әкімдері;

– «Халық қаһарманы», «Қазақстанның Еңбек Ері» атағын иеленгендер;

– «Алтын Қыран», «Отан», «Қазақстан Республикасының Тұңғыш Президенті – Елбасы Нұрсұлтан Назарбаев», үш дәрежелі «Еңбек Даңқы» ордендерінің иегерлері;

– «Кеңес Одағының батыры», «Социалистік еңбек ері» атағының иегерлері;

– «Қазақстанның ғарышкер-ұшқышы» атағын иеленгендер;

– президенттің айрықша шешімімен мақұлданған өзге де тұлғалар;

– Пантеонға жерленгендердің қасына кейін қаза болған жары да жерлене алады.

Ереже жария етілгеннен кейін он күн өткенде заңды күшіне енеді.