ДДСҰ карантин режимінен кезең-кезеңмен шығуды ұсынды

8 сәуiр 2020, 10:21

187

ДДСҰ-ның ресми өкілі Кристиан Линдмайер әлемді шектеу шараларын алып тастауға асықпауға шақырды, деп хабарлайды Reuters. «Барлық мүмкін болатын қауіп-қатерді жан-жақты қарастырғаннан кейін ғана шекараларды ашып, тасымалдау қызметтерін жандандыруға қатысты шаларалар қадам-қадаммен жүгізілуі керек», – дейді Линдмайер.

Сарапшының айтуынша, қазір пандемияның қашан аяқталатынын ешкім дөп басып айта алмайды.

«Коронавирус пандемиясы бір уақытта барлық мемлекетте аяқталмайтыны түсінікті. Әр ел немесе аймақ қандай шараларды бәсеңдетіп, шектеулердің қайсысын алып тастайтынын өз алдына жеке шешеді», – деп атап өтті Кристиан Линдмайер.

Бұған дейін COVID-19-ға қатысты Алматы облысындағы шектеулер күшейтілетіні белгілі болды.